BIBLIYA ZA MASHI RHWALUKIRA HAGUMA


EBIBLIYA NTAGATIFU DEI VERBUM KINSHASA A INFORMATISER Cover Sheet<a OMURHONDERO Genèsehref= »https://nyabangere.files.wordpress.com/2018/10/001-
ebibliya.pdf » title= »OMURHONDERO Genèse »>OMURHONDERO Genèse<a

EBIBLIYA
NTAGATIFU

Yahindulagwa omu MASHI n'Ecigamba c'Abadàhwa baburhwa b'omu Diosezi y'e Bukavu oku bwimangizi bw'Akagombe k'obwerekeza
(C.D.P.C.L.)

VERBUM BIBLE
B.P. 7463
KINSHASA

Eyi Bibliya ntanzi-rhanzi y'Amashi yàjiragwa burhabàle bwa
«Obras Misionales Pontificias»

OMURHONDERO
Enshokolezi
Ecitabu c'Omurhondéro ciderhwa ntyo bulya cishambàla kurhi igulu n'omuntu byalemagwa. Amaganìro g'ebya mira gabà nka nshokolezi y'omwanzi gw'okucunguka Ebibliya erhumanyisa. Ebibliya erhumanyisa kurhi igulu n'abantu b'amashanja goshi balemagwa na Nyamuzinda. Ecitabu c'Omurhondéro cirhushambàlira kandi kurhi abantu barhanzi bagomeraga Nyamuzinda na kurhi Nyamuzinda abahanaga. Cirhumanyisa kurhi Nuhu n'abantu b'amashanja goshi balamaga. Cihugùla ecisiki c'ishanja lya Israheli, akalamo ka bashakulùza b'olubaga lwishogwa: Abrahamu, Izaki, Yakobo na Yozefu. Abrahamu ali muntu wa buyemére. Nnàmahanga amulaganya iburha linene. Yakobo ali muntu wa bwenge bunene bwenene. Owayandikaga eci citabu c'Omurhondéro akolesize engerérezo z'abantu b'ago mango ga mira lyo amanyisa oku Nyamuzinda ye cisiki c'ebintu by'enigulu byoshi. Nyamuzinda alema Adamu, amuhà mukàge lyo baburha n'okubumba igulu; amuhà mukazi muguma yéne, ababwira mpu bamanye bankayirha obuhya bwabo.

EBIRIMWO 1.
Omurhondéro gw'igulu: cigabi 1 – 12.
Akalamo ka Abrahamu: cigabi 12 -25, 18 3.
Akalamo ka Izaki na Yakobo: cigabi 25, 19-36 4.
Akalamo ka Yozefu: cigabi 37-50

1/. Ecisiki c'igulu n'ec’abantu

Emyanzi mirhanzi y'obulemi

1Aha murhondéro, Nyamuzinda alema amalunga n'igulu. 2 Ci kwone igulu erhi licìbérire lya cimpinangè, lirhanalimwo cici. Omwizimya erhi gubwisire emanga n'omùka gwa Nyamuzinda erhi gudwirhe gwahùkiza oku mìshi.
3 Nyamuzinda anaciderha, erhi: «Habé obulangashane», n'obulangashane bwahabà. 4 Nyamuzinda abona oku obulangashane buli bwinja. Nyamuzinda aberùla obulangashane n'omwizimya. 5Obulangashane Nyaniuzinda abuyirika «mùshi» n'omwizimya aguyirika «budufu». Bwayira bwanacà: olusiku lurhanzi olwo.
6Nyamuzinda anaciderha, erhi: «Habé amalunga aha karhi k'amìshi, gagabe amishi g'eyi n'ag'eyi». 7Nyamuzinda anacilema ecirére, caberùla amishi g'idako oku g'enyanya. Kwanabà ntyo. 8Amalunga Nyamuzinda agayirika mpu «oku nkuba». Bwayira, bwanacà: olusiku lwa kabirhi olwo.
9 Nyamuzinda anaciderha, erhi: «Amishi goshi gashubùkire lunda luguma lyo obudaka bùmu buboneka». Kwanabà ntyo. 10Obudaka abuyirika «idaho» n'amìshi «nyanja». Nyamuzinda abona oku biri binja.
11Nyamuzinda anaciderha, erhi: «Idaho limeremwo ebyasi bibishi, emirhi y'emburho n'emirhi y'amalehe ga ngasi lubero erhi na ngasi irehe linalimwo emburho yalyo hano igulu» . Kwanabà ntyo. 12Igulu lyalumìramwo olubala, emirhi y'emburho n'emirhi y'emirehe, ngasi miguma n'emburho yayo. Nyamuzinda anacibona oku ebyo biri binja. 13Bwayira bwanacà: olusiku lwa kasharhu olwo.
14Nyamuzinda aderba, erhi: «Habé ebimole oku nkuba, bigabe obudufu n'omùshi bimanyise ensiku nkulu, ensiku n'emyaka. 15Ebyo bimole oku biri emalunga erhi binadwirhe byamolekera igulu». Kwanabà ntyo. 16Nyamuzinda ajira bimole bibirhi binene: ecimole cinene mpu cikàmoleka mùshi n'ecimole cisungunu mpu cikàmoleka budufu, ajira n'enyenyezi. 17Nyamuzinda abihira omu malunga mpu bikàmolekera igulu, 18mpu bishokolere obucè n'obwire, binàberùle obulangashane oku mwizimya. Nyamuzinda anacibona oku ebyo biri binja. 19Bwayira bwanacà, olusiku lwa kani olwo.
20Nyamuzinda anaciderha, erhi: «Amishi galugemwo ebizine n'enyunyi zikàbalala enyanya ly'igulu omu cirére emalunga. 21Nyamuzinda alema ebiryanyi by'omu nyanja, ebizine byoshi bya ngasi lubero biluga binanyagàrha omu mìshi, ngasi higuma n'obùko bwahyo. 22Nyamuzinda abigisha aderba, erhi: «Muburhe, muyololoke, mubumbe amishi g'omu nyanja goshi n'enyunyi ziyololoke omu igulu». 23Bwayira bwanacà, olusiku lwa karhanu olwo.
24Nyamuzinda anaciderha, erhi: «Idaho lirhengemwo ebizine bya ngasi lubero; ebintu, ebishwekwa, ebya okunyagàrha n'ensimba z'emuzirhu za ngasi lubero». Kwanabà ntyo. 25Nyamuzinda anacilema ebyerubala bya ngasi lubero, ebintu bishwekwa bya ngasi lubero, n'orhusimba rhw'oku idaho, rhwa ngasi lubero. Nyamuzinda abona oku biri binja.
26Nyamuzinda anaciderha, erhi: «Rhujirage omuntu orhushushire, omuntu ogwerhe ecikebu cirhu, arhegeke enfi z'omu nyanja, enyunyi z'emalunga, ebintu bishwekwa, ebyerubala byoshi n'orhusimba rhunyagàrha omu igulu». 27Nyamuzinda alema omuntu omushushire, amulema ashushire Nyamuzinda, abalema omulume n'omukazi. 28Nyamuzinda abagisha, ababwira, erhi: «Muburhe, muyololoke, mubumbe igulu munalirhegeke; murhegeke enfi z'omu nyanja, enyunyi z'emalunga, n'ensimba zinyafùka oku idaho zoshi».
29Nyamuzinda anacibabwira, erhi: «Mmuhìre ngasi hyasi hijira emburho, ehiri oku igulu lyoshi, na ngasi mirehe eyàna yoshi, byo byabà biryo binyu. 30Oku nyama zoshi, ensimba z'emuzirhu, oku nyunyi, oku nyama zinyagàrha, na ngasi zoshi zijira obuzìne, nzihire olubala byo biryo byazo, byanacibà ntyo. 31Nyamuzinda alolà ebi alemaga byoshi, abona oku binali binja. Bwayira bwanacà: olusiku lwa kalindarhu olwo.

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s